Lango Web

Akuny Odongo Agagi i Lira 29/3/09

(Published in Leb Lango, the language of the Langi of Uganda)

Won Nyaci me Lango Yocam Odur i opici me Lango Cultural Foundation Lira

Iyonge ryemo ministae lung anwang tye atic igapoment me Lango cultural foundation I acaki me mwoka ni,Won Nyaci me Lango Mze Yosam Odur otyeko titio imung ame omio eryemo ministae mere acon kun eleo kawang gi kede en anyenere.
 
Ikare atye  alok kede lwak langi tutumia kede tutumia anwongo ogure I Lango cultural centre  pi kede kwogo ikarama me kwero ministae anyen Mze Yosam Odur obino otwo dog otino langi apol ikarre ame odoto dwong ministae mere acon ni mogo onwongo tye adwale kit anwang juda odwalo kede yesu.
 
"Aryemo gi pien tic amogo onwong pe tye aber ,en ocele onwo tye acako keto irupe ikoma aco kabed amano an adang abin  acimo gi iopici apapat" Yosam otito.
 
"Bishop tima kica kace atimo bal me ryemo gi akadi do bed bala en ocele iyete onwo tye akwayo kica bota atek" Won Nyaci olego Bishop me Lango John Charlse Odur  Kami.
 
Won Nyaci okwenyoro atek ministae mere anyen pi pe wangoro bedo icuny me  adwala kace omito ni otii tic aber pi dongo lango abongo atuba tuba.
 
Akadi bed ni aryemo gi pol gi onwo tye atic abongo nwongo apude  culoro anok,cwero cunya atek,Won Nyaci omedo.
 
Iyonge ryemo prime minista Faustino Olwit Engol kede cabinet ministae mere ducu ,Mze  Yosam Odur obin ocimo ministae anyen kit man.
 
Ministae anyen me Lango cultural foundation

Won Nyaci obin ocimo prime minister anyen obedo JB Okelllo Obote, Dr.William Olwit acalo minister me Yotkom, Tonny Ogwal Otoa acalo minister abwo tekwaro kede kuc, Anold Bongo Dibuni acalo abwo keto lok, Imat Apuli acalo abwo ber bedo amon, anyira, Samuel Tar Iliba acalo abwo  tic diro kede pakica, ikin ministae apol a en ocimo.,
 
Welo me awora I kwer man onwongo obedo minista atidi me gender,labour kede social developmet  mego Rukia Isanga Nakidama ame otito nimano gapoment tye amiyo kony bot tekwaro apapat  I Ugnada abongo apokapoka.
 
Isanga otito gapomente mio kony me cilling million abic dwe idwe pi cuburu tic atitino ite ,gapomente awon Nyaci me  Lango.
 
Won Nyaci Yosam obin onyuto akemo mere atek ikmom Jo mogo a en otito Ni tye atiyo kome iyore ducu kun doto ministae mege mogo acon ni onwongo otye okubere pi turu gapomente mere.
 
En dang obin odoto otela me  Lira district  local government  bot minister Isanga ni okwero miyo  gi lobo kede twero mere ducu dok man omio pe otwero ru cako gedo iyete atwal.
 
Yosam omede ni pi bedo mere abor ture icalo Teboke I Apac district wele apol apir gi tego anwongo obino nene pet ye anwongo kare.